Հայ Առաքելական եկեղեցին նշում է Սուրբ Աստվածածնի Վերափոխման տոնը

Հայ Առաքելական եկեղեցին նշում է հինգ գլխավոր եկեղեցական տոներից չորրորդը՝ Սուրբ Աստվածածնի Վերափոխման տոնը։ Այն Աստվածամորը նվիրված ամենահին տոնն է, որը նշվում է օգոստոսի 15-ին մերձակա կիրակի օրը։

Խաղողօրհնեքի կարգ

Տոնական պատարագից հետո եկեղեցիներում կատարվում է բերքի օրհնության ծես։ Քահանան աղոթք է կարդում և երեք անգամ օրհնում խաղողի վազը, որից հետո օրհնված պտուղները բաժանվում են հավատացյալներին։ Ռամբլեր (news.rambler.ua) պարբերականն այս արարողությունը նկարագրում է որպես «Վինոգրադնայա Պասխա» կամ խաղողի Զատիկ։

Մեռելոց

Տոնի հաջորդ օրը ննջեցյալների հիշատակության օրն է (Մեռելոց)։ Այդ օրը եկեղեցիներում կրկին մատուցվում է պատարագ և կատարվում է հոգեհանգստյան կարգ՝ ի հիշատակ մահացածների։