Հրազդանում բացվել է Firebird-ի արհեստական բանականության գործարանը

Օգոստոսի 12-ին Հրազդանում կայացել է տարածաշրջանում արհեստական բանականության խոշորագույն գործարանի պաշտոնական բացումը։ Նախագիծն իրականացվել է Firebird ընկերության կողմից՝ օգտագործելով NVIDIA DSX AI տեխնոլոգիան և Dell Technologies-ի ենթակառուցվածքները։

Բացման արարողություն և հյուրեր

Միջոցառմանը մասնակցել են ՀՀ վարչապետ Նիկոլ Փաշինյանը, NVIDIA ընկերության հիմնադիր և գործադիր տնօրեն Ջենսեն Հուանգը, փոխնախագահ Ռև Լեբարեդյանը։ Ներկա էին նաև Հայաստանում ԱՄՆ գործերի ժամանակավոր հավատարմատար Դեյվիդ Ալենը, Ղազախստանի փոխվարչապետ Ժասլան Մադիևը, ինչպես նաև Արդշինբանկի ղեկավար կազմը, այդ թվում՝ վարչության նախագահ Արտակ Անանյանը և տնօրեն Արմեն Գասպարյանը։

Ֆինանսավորման աննախադեպ ծավալներ

ԱԲ գործարանի ստեղծման առաջին փուլի ներդրումների ընդհանուր ծավալը կազմել է 450 միլիոն դոլար։ Հայաստանի ֆինանսաբանկային պատմության մեջ առաջին անգամ Արդշինբանկի նախաձեռնությամբ ստեղծվել է վեց ֆինանսական կառույցներից բաղկացած սինդիկատ, որը տրամադրել է 300 միլիոն դոլարի ֆինանսավորում։ Սինդիկատի կազմում ընդգրկված են եղել․

• Արդշինբանկ
• ԱԿԲԱ Բանկ
• Evocabank
• Fast Bank
• C-Quadrat Ampega Asset Management Armenia
• Amundi-ACBA Asset Management Fund

«Հայաստանի ֆինանսական համակարգն աջակցում է համաշխարհային նշանակության տեխնոլոգիական նախագծի իրականացմանը»,- նշել է Արդշինբանկի վարչության նախագահ Արտակ Անանյանը:

Արդշինբանկի ցուցանիշները

Արդշինբանկն ունի ավելի քան 912,000 հաճախորդ, որոնց սպասարկում են շուրջ 2,400 աշխատակիցներ։ Բանկն ունի 73 գրասենյակներից բաղկացած լայն ցանց և ներկայացուցչություն Փարիզում։ Այն Հայաստանի միակ մասնավոր կազմակերպությունն է, որը վարկանշվել է Standard & Poor's, Moody's և Fitch համաշխարհային գործակալությունների կողմից։