Լիլիթ Մակունցը հանդիպել է ԵՄ գործընկերության առաքելության ղեկավարի հետ

Հայաստանի վարչապետի աշխատակազմի ղեկավար Լիլիթ Մակունցը և Եվրոպական միության գործընկերության առաքելության ղեկավար Կոսմին Դինեսկուն հանդիպման ընթացքում անդրադարձել են երկկողմ համագործակցության զարգացմանն ու արդյունավետ համակարգմանը։

Համատեղ աշխատանքի առաջնահերթություններ

Մակունցը ողջունել է առաքելության աշխատանքների մեկնարկը՝ հատկապես կարևորելով Եվրամիության օժանդակությունը Հայաստանի պետական կառույցների դիմակայունության բարձրացման հարցում։ Հանդիպման առանցքում են եղել նաև առաքելության մանդատի շրջանակներում կարողությունների զարգացման ու համապատասխան գերատեսչությունների համակարգված ներգրավվածության խնդիրները։

Առաքելության նպատակներն ու ժամկետները

Եվրոպական միության գործընկերության առաքելությունը քաղաքացիական խորհրդատվական բնույթ է կրում և գործում է Ընդհանուր անվտանգության և պաշտպանության քաղաքականության շրջանակներում։ Այն ստեղծվել է Հայաստանի կառավարության խնդրանքով։

«Առաքելության նպատակն է աջակցել հայկական իշխանություններին հիբրիդային սպառնալիքների դեմ դիմակայունության բարձրացման գործում», - նշված է «Արմենպրես»-ի հաղորդագրությունում։

Ըստ աղբյուրի տվյալների՝ կառույցը հիմնադրվել է 2026 թվականի ապրիլի 21-ին և իր աշխատանքները սկսել 2026 թվականի հուլիսի 13-ին։ Այս առաքելության միջոցով Եվրամիությունը վերահաստատում է իր պատրաստակամությունը՝ օգնելու Հայաստանին անվտանգային նոր մարտահրավերներին արձագանքելու և ինստիտուցիոնալ կարողությունների զարգացման հարցերում։