«Արարատ-Արմենիան» մեկնել է Ռումինիա՝ Եվրոպա լիգայի փլեյ-օֆֆի հանդիպմանը

Հայաստանի չեմպիոն «Արարատ-Արմենիան» մեկնել է Ռումինիա՝ անցկացնելու Եվրոպա լիգայի որակավորման փլեյ-օֆֆ փուլի իր առաջին հանդիպումը: Այս մասին հայտնում է երևանյան ակումբի մամուլի ծառայությունը:

Խաղը տեղի կունենա օգոստոսի 20-ին, իսկ մեկնարկը նախատեսված է Երևանի ժամանակով 21:00-ին: Հայկական թիմն արտագնա խաղում կմրցի Ռումինիայի չեմպիոն «Ունիվերսիտատեա Կրայովան» ակումբի հետ:

Երևանյան ակումբի անցած ուղին

«Արարատ-Արմենիան» Եվրոպա լիգայում հայտնվել է Չեմպիոնների լիգայից դուրս մնալուց հետո: Գլխավոր եվրագավաթի որակավորման երրորդ փուլում մեր թիմը պարտվել էր Սլովենիայի չեմպիոն «Ցելյեին»՝ գրանցելով 2:1 և 0:2 հաշիվները:

Մինչ այդ, հայկական ակումբը հաջողությամբ հաղթահարել էր որակավորման նախորդ երկու փուլերը՝ պայքարից դուրս թողնելով հետևյալ թիմերին.

• Լատվիայի չեմպիոն «Ռիգային» (2:0, 2:3),
• իռլանդական «Շեմրոք Ռովերսին» (2:0, 1:2):

Այս հաղթանակների շնորհիվ «Արարատ-Արմենիան» արդեն իսկ ապահովել է առնվազն Կոնֆերենցիաների լիգայի հիմնական փուլի ուղեգիր:

Մրցակցի արդյունքները եվրագավաթներում

Ռումինական «Ունիվերսիտատեա Կրայովան» նույնպես իր մրցելույթները սկսել էր Չեմպիոնների լիգայից: Որակավորման առաջին փուլում նրանք պայքարից դուրս էին թողել բելառուսական «Վիտեբսկին», սակայն հաջորդ փուլում զիջել էին Բուլղարիայի չեմպիոն Սոֆիայի «Լևսկիին» և տեղափոխվել Եվրոպա լիգա:

Եվրոպա լիգայի նախորդ փուլի երկու խաղերի արդյունքում ռումինական թիմը առավելության էր հասել ֆիննական «Կուպսին» նկատմամբ՝ 1:1 և 2:1 հաշիվներով: